საქართველოს პარლამენტის თავმჯდომარე ირაკლი კობახიძე კონსტიტუციის ახალი რედაქციის დამტკიცების შემდეგ, ახალი კონსტიტუციური კანონის პროექტის ინიცირების მიზეზს განმარტავს.

„ვენეციის კომისიამ როდესაც გამოგვიგზავნა თავისი პირველი დასკვნა, იქ შენიშვნები ასახული არ იყო. უკვე მეორე დასკვნაში ასახული იყო დამატებითი შენიშვნები, გვიწევს დამატებითი შენიშვნების შესაბამისად ახალი კონსტიტუციური კანონის მიღება. ეს იყო რეალური მიზეზი იმისა, რომ ჩვენ დაგვჭირდა კონსტიტუციის ახალი რედაქციის დამტკიცების შემდეგ, ახალი კონსტიტუციური კანონის პროექტის ინიცირება“,-აღნიშნა ირაკლი კობახიძემ და დასძინა, რომ ვენეციის კომისიისგან ძალიან დადებითი შეფასება მიიღეს:

„კომისიას ჰქონდა ძალიან პოზიტიური მიზანი, იყო პოზიტიური პოლიტიკური ნება, რასაც ეფუძნებოდა კომისიის საქმიანობა, ამ ყველაფრის შედეგია ის, რომ ჩამოყალიბდა ძალიან დახვეწილი რედაქცია საქართველოს კონსტიტუციის. ვენეციის კომისიისგან ჩვენ მივიღეთ ძალიან დადებითი შეფასება ყველა მიმართულებით. იყო რამდენიმე შენიშვნა, რომელიც იქნება გაზიარებული ახალი ცვლილებების სახით“,-განაცხადა ირაკლი კობახიძემ.

კობახიძის თქმით, ახალმა კონსტიტუციამ ახალი კონსტიტუციური დღის წესრისგისთვის ძალიან მყარი საფუძველი უნდა შექმნას:

„ვფიქრობთ, ეს დღის წესრიგი იქნება ძალიან გამართული და დემოკრატიული“,-განმარტა კობახიძემ.

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს