საქართველოს პრეზიდენტმა დღეს მეუღლესთან და თანმხლებ პირებთან  ერთად დუშეთის წმინდა გიორგის სახელობის სამლოცველო მოინახულა.  

გიორგი მარგველაშვილმა ეკლესიისკენ გზა ქართული ტელევიზიების წარმომადგენლებთან ერთად გაიარა. ქვეყნის პირველ პირს ჟურნალისტები მსვლელობისას არაფორმალურ გარემოში გაესაუბრნენ და მათთვის საინტერესო კითხვებზე პასუხები მოისმინეს.

საქართველოს პრეზიდენტმა და პირველმა ლედიმ წმინდა გიორგის სახელობის სამლოცველოში სანთლები დაანთეს და საქართველოს მოსახლეობას გიორგობის დღესასწაული მიულოცეს.

„მინდა მივულოცო ყველას, მთელ საქართველოს გიორგობის დღესასწაული. წმინდა გიორგი ძალიან მნიშვნელოვანი წმინდანია ჩვენთვის. ის არ იყო მხოლოდ მებრძოლი, არამედ მან შეძლო სულიერებით მასზე ფიზიკურად ბევრად უფრო ძლიერი ადამიანების დამარცხება. გარკვეულწილად ის საქართველოს, ჩვენი ქვეყნის სიძლიერის სიმბოლოც გახდა, რადგან მთელი ისტორიის განმავლობაში, ურთულეს ვითარებაში, როდესაც ფიზიკურად ბევრად ნაკლები ვიყავით მტერზე, ყოველთვის ვიბრძოდით და ამ ჩვენი ძალის უკან ყველთვის იდგა სულიერება. კიდევ ერთხელ ვულოცავ მთელ საქართველოს ამ დღეს“, - განაცხადა საქართველოს პრეზიდენტმა.

გიორგობის დღესასწაული საქართველოს მოსახლეობას მაკა ჩიჩუამაც მიულოცა: „მთელ საქართველოს ვულოცავ ამ დიდი წმინდანის დღესასწაულს. სრულიად საქართველოს ფარავდეს წმინდა გიორგი.“ 

დღევანდელ ღონისძიებაში საქართველოს პრეზიდენტის ადმინისტრაციის უფროსის მოადგილე, პრეზიდენტის მრჩეველი ეკონომიკურ საკითხებში გიორგი აბაშიშვილი, საქართველოს პრეზიდენტის მრჩეველი - საგარეო ურთიერთობათა მდივანი თენგიზ ფხალაძე, პრეზიდენტის საპარლამენტო მდივანი გიორგი კვერენჩხილაძე და ადმინისტრაციის სხვა წარმომადგენლებიც მონაწილეობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს