პარლამეტის პლენარულ სხდომაზე „მაუწყებლის შესახებ“  საქართველოს კანონში ცვლილებებს პირველი მოსმენით განიხილავენ. მომხსენებელი იურიდიულ საკითხთა კომიტეტის თავმჯდომარე ეკა ბესელიაა.

 კანონპროექტის მიხედვით, დამოუკიდებელი კერძო სამართლის იურიდიული პირების მიერ მომზადებულ პროგრამებზე, რომელიც გადაიცემა საზოგადოებრივი მაუწყებლის მიერ, არ გავრცელდება „სახელმწიფო შესყიდვების შესახებ“ კანონი.

ცვლილებით კანონში მითითებული იქნება, რომ იკრძალება საზოგადოებრივი მაუწყებლისთვის მითითების, დავალების მიცემა, ასევე შეთანხმების დავალება ადმინისტრაციული ორგანოების მიერ.

საზოგადოებრივი მაუწყებლის ახალი ტელერადიო და ვებპორტალის პროდუქციის/პროგრამაში დაგეგმილი ან შეტანილი ნებისმიერი სიახლის შესახებ ინფორმაცია, ან ამ ინფორმაციის ამსახველი დოკუმენტი, რომლის გასაჯაროებას შეუძლია ზიანი მიაყენოს საზოგადოებრივი მაუწყებლის საქმიანობას კონკურენტულ გარემოში, მისი ეთერში გასვლამდე, არ იქნება საჯარო ინფორმაცია და მასზე არ გავრცელდება ზოგადი ადმინისტრაციული კოდექსის შესაბამისი თავი.

ამასთან, ინფორმაციის გასაჯაროების შესახებ გადაწყვეტილებას მიიღებს საზოგადოებრივი მაუწყებლის გენერალური დირექტორი.

 ცვლილებით საზოგადოებრივი მაუწყებლის წინა წლის ბიუჯეტიდან დარჩენილი ნაშთი მომდევნი წლის დასაწყისში დაემატება სახელმწიფო ბიუჯეტიდან მიღებულ დაფინანსებას.

 ცვლილებები აჭარის საზოგადოებრივი მაუწყებლისთვის კომერციული და სოციალური რეკლამების განთავსების პირობებსაც ადგენს და ასევე საზოგადოებრივ მაუწყებელს საშუალება ეძლევა დამწყები საწარმოების და სტარტაპების დაფინანსება მოახდინოს.

საზოგადოებრივ მაუწყებელში კომერციული რეკლამის განთავსებასთან დაკავშირებით დღეს განცხადება გააკეთა „ევროპული საქართველოს“ წევრმა სერგი კაპანაძემ. მისი თქმით, საზოგადოებრივი მაუწყებლისთვის კომერციული რეკლამის განთავსების შესაძლებლობის მიცემა  ნეგატიურ გავლენას მოახდენს სარეკლამო ბაზარზე.

,,მთავარი, რის გამოც ჩვენ წინააღმდეგი ვართ არის ის, რომ ახალი რეგულაციებით მოხდება სარეკლამო ბაზრის დარღვევა, დამახინჯება, რადგან საზოგადოებრივი მაუწყებელი იღებს საბიუჯეტო დაფინანსებას, რომელიც საკმაოდ დიდია. ეს დაფინანსება რამდენიმე ათეულ მილიონ ლარზე შეიძლება ავიდეს. მითუმეტეს მშპ-ს ზრდასთან ერთად, ეს კიდევ უფრო იზრდება და ამის ფონზე, როდესაც მას ექნება შესაძლებლობა, რომ უფრო მეტი კომერციული რეკლამა მოიზიდოს, ბუნებრივია დააზარალებს სხვა კერძო კომპანიებს“,-აღნიშნა სერგი კაპანაძემ.

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს