„რადიო თავისუფლებასა“ და „ამერიკის ხმას“ შესაძლოა, რუსეთში საქმიანობა შეუზღუდონ, - ამის შესახებ "ამერიკის ხმა" იუწყება. 

მედია საშუალების ინფორმაციით, საქმიანობის შესაძლო შეზღუდვის მიზეზად რუსეთის დუმის გადაწყვეტილება სახელდება. 

კერძოდ კი, გუშინ სახელმწიფო სათათბირომ მხარი დაუჭირა კანონპროექტს, რომლის თანახმად უცხოური მედია საშუალებები „უცხოეთის აგენტებად“ ცხადდებიან.

საკანონმდებლო ორგანოში მიღებული გადაწყვეტილების შემდეგ, რუსეთის იუსტიციის სამინისტრომ „უცხო ქვეყნის აგენტად“ რეგისტრაციის პირველი კანდიდატებიც დაასახელა. შესაბამისი გაფრთხილება „რადიო თავისუფლებამ“, „ამერიკის ხმამ”, «Настоящее время», «Idel.Реалии» და "Кавказ"-მა მიიღეს. 

რუსი კანონმდებლების ამ გადაწყვეტილებას  დასავლეთის მწვავე რეაქცია მოჰყვა.  ვაშინგტონში, ბერლინსა და სტრასბურგში განაცხადეს, რომ მოვლენებს ყურადღებით აკვირდებიან. 

შეგახსენებთ, რომ მანამდე ამერიკის ხელისუფლების გადაწყვეტილებით, რუსული სახელისუფლებო არხი Russia Today "უცხოურ აგენტად" დარეგისტრიდა. მაშინ მოსკოვმა განაცხადა, რომ საპასუხო ზომებს მიიღებდა. 

ავტორი: ,

სოციალური ქსელები

უკრაინამ სანქტ-პეტერბურგში სამიზნეები დაბომბა

ბათუმში უვადო პატიმრობა მიუსაჯეს არასრულწლოვანის გაუპატიურებაში ბრალდებულს

მიხაელ როთი ყაველაშვილის ირანში ჩასვლაზე – სირცხვილი! საწყალი საქართველო

ავალიანის საქმეზე ბრალდებულ გიორგი მალანიას პატიმრობა შეეფარდა