მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე  პარლამენტის  თავმჯდომარის  მოადგილის ბიორნ სოდერის ხელმძღვანელობით, შვედეთის  პარლამენტის  დელეგაციას შეხვდა.

მხარეებმა საქართველოს  ევროკავშირში ინტეგრაციის პროცესი და პერსპექტივები განიხილეს. კერძოდ, 24 ნოემბერს  დაგეგმილი „აღმოსავლეთ პარტნიორობის“ სამიტისთვის მზადებასა და მოლოდინებზე იმსჯელეს. ყურადღება გამახვილდა ასოცირების შეთანხმების განხორციელების პროცესში შვედეთის მიერ გაწეული მხარდაჭერის მნიშვნელობასა და სამომავლო გეგმებზე:

„შვედეთი არის ძალიან მნიშვნელოვანი პარტნიორი ჩვენთვის, მხარდამჭერი ინტეგრაციულ პროცესებში, რეფორმების გატარებაში. ძალიან მნიშვნელოვანია ესოდენ სერიოზული დელეგაციის ვიზიტი საქართველოში. თქვენ იცით, რომ აღმოსავლეთ პარტნიორობის ერთ-ერთი ყველაზე მთავარი ინიციატორი  სწორედ შვედეთი იყო და გვინდა, განვიხილოთ, განსაკუთრებით სამიტამდე,  იმ საკითხთა ნუსხა, რომელიც განიხილება დაგეგმილ აღმოსავლეთ პარტნიორობის სამიტზე, ასევე ორმხრივი  თანამშრომლობის თემები იქნება განხილული, როგორც საკანონმდებლო, ისე აღმასრულებელ დონეზე“,-განუცხადა ვიქტორ დოლიძემ შეხვედრის დაწყებამდე ჟურნალისტებს.

(NS)

ავტორი: ,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს