იტალიის უმდიდრესმა რეგიონებმა, ლომბარდიამ და ვენეტომ, გუშინ ავტონომიასთან დაკავშირებით ჩატარებულ რეფერენდუმს მხარი დაუჭირეს, - ამის შესახებ Ansa.it იუწყება.

მედია საშუალების ინფორმაციით, ლომბარდიის მოსახლეობის 95%-მა ავტონომიის გაფართოებას დაუჭირა მხარი, ხოლო ვენეტოში ამავე საკითხს 98%-იანი მხარდაჭერა ჰქონდა.

მედიის ცნობით, ლომბარდიაში რეფერენდუმზე აქტივობამ 40%, ხოლო ვენეტოში 60% შეადგინა.

აღსანიშნავია, რომ ოფიციალური რომი რეფერენდუმს არ მიესალმება, თუმცა ხელისუფლებაში აცხადებენ, რომ ეს ქვეყნის კონსტიტუციით არის გათვალისწინებული და ლეგიტიმურია.

გამოცემა წერს, რომ რეფერენდუმის ჩატარება არ ნიშნავს დამოუკიდებლობის მოთხოვნას, რადგან ორივე რეგიონს სხვადასხვა საკითხებში მეტი ავტონომიის მოპოვება სურს. რეგიონების ადმინისტრაციებში აცხადებენ, რომ ავტონომიის მოპოვების შემდეგ საკუთარი ფინანსების უფრო კარგ მართვას შეძლებენ.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა