ნატო-სა და ევროკავშირის შესახებ საინფორმაციო ცენტრში ლიტველი ფოტოგრაფის იონას დოვიდენასის გამოფენა „Three Weeks Aboard USS Bonhomme Richard” გაიხსნა.

ღონისძიება  გახსნეს საქართველოში ლიტვის ელჩმა გიედრიუს  პუოჯუნასმა და ნატო-სა და ევროკავშირის შესახებ საინფორმაციო ცენტრის დირექტორმა ნინო  ბოლქვაძემ.

გამოფენაზე წარმოდგენილია ფოტოგრაფის მიერ აშშ-ს სამხედრო გემზე გატარებული პერიოდის ამსახველი ფოტოები. ფოტოგრაფმა ავიამზიდზე 3 კვირის განმავლობაში  იცხოვრა, რის შედეგადაც  ღია ზღვაში სამხედროების  მუშაობა და ყოფა-ცხოვრება ყოველდღიურ რეჟიმში ასახა. ოფიციალური გახსნის შემდეგ, ავტორმა გადაღების პროცესის თავისებურებებსა და შთაბეჭდილებებზე ისაუბრა.

„დღეს ჩვენ-საინფორმაციო ცენტრი ნატო-სა და ევროკავშირის შესახებ, ვმასპინძლობთ ცნობილი ლიტველი ფოტოგრაფის გამოფენას,  რომელიც გახლავთ სამხედრო თემატიკაზე. მან სამი  კვირა გაატარა ამერიკულ სამხედრო ხომალდზე და ფოტოგამოფენაც ასახავს სწორედ ამერიკელი სამხედროების ყოველდღიურ ყოფას. ძალიან საინტერესო გამოფენაა, რომელიც ჩვენ  დავაორგანიზეთ  ლიტვის საელჩოს უშუალო მხარდაჭერით. ჩვენი ცენტრი ხელს  უწყობს ცნობიერების ამაღლებას საზოგადოებაში ნატო-სა და ევროკავშირის თემაზე, შესაბამისად, ჩვენი ერთ-ერთი ფუნქცია არის ის, რომ მაქსიმალური პოპულარიზაცია გავუწიოთ ევროპულ კულტურას“,-განაცხადა ნატო-სა და ევროკავშირის შესახებ საინფორმაციო ცენტრის დირექტორმა  ნინო ბოლქვაძემ.

გამოფენა სამი კვირის განმავლობაში გაგრძელდება და ის ღია იქნება  ნებისმიერი დაინტერესებული პირისთვის (სამუშაო დღეები: ორშაბათი-პარასკევი, სამუშაო საათები: 10:00-18:00).

ღონისძიება ლიტვის ფოტოგრაფთა ასოციაციის  ორგანიზებით, ლიტვის საელჩოსთან და სსიპ „ნატო-სა და ევროკავშირის შესახებ საინფორმაციო ცენტრთან“ თანამშრომლობით იმართება.

(NS)

ავტორი: ,

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ