პარტია „ქართული ოცნება - დემოკრატიული საქართველოს“ თბილისის მერობის კანდიდატ კახა კალაძეს შეუძლია, ჯანსაღი ცხოვრების წესის პროპაგანდაში ძალიან დიდი წვლილი შეიტანოს, - ამის შესახებ ჯანდაცვის მინისტრმა დავით სერგეენკომ განათლების, კულტურის, სპორტისა და ახალგაზრდობის პოლიტიკის პრეზენტაციაზე განაცხადა. 

როგორც მან აღნიშნა, ჯანდაცვა მხოლოდ ჯანმრთელობის დაცვის სისტემა არ არის და დედაქალაქის მერობის კანდიდატს ჯანსაღი ცხოვრების წესის აქტიური მხარდაჭერა შეუძლია. 

„ჯანმრთელობის ხელშეწყობა და ჯანსაღი ცხოვრების წესის პროპოგანდა არანაკლებ მნიშვნელოვანია. ჩვენ გვექნება იმის უნიკალური შესაძლებლობა, რომ ეს ორი მიმართულება გავაძლიეროთ, რადგანაც კახა კალაძეს შეუძლია, ჯანსაღი ცხოვრების წესის პროპაგანდაში ძალიან დიდი წვლილი შეიტანოს. ვფიქრობ, რომ თბილისის მერი სწორედ ის პოზიციაა, რომ ჯანსაღი ცხოვრების წესის მხარდაჭერა შეეძლება“, - განაცხადა დავით სერგეენკომ. 

ჯანდაცვის მინისტრის თქმით, ჯანსაღი ცხოვრების აქტიურ მხარდაჭერაში, კახა კალაძის მუშაობა ეფექტური იქნება.

„ძალიან დიდი მოლოდინი მაქვს, გამომდინარე იქიდან, რომ ჯანდაცვის კონცეფციის პრეზენტაციისას რეალურად სწორი ხედვა დავინახე. მჯერა, რომ ჯანმრთელობის ხელშეწყობასა და ჯანსაღი ცხოვრების აქტიურ მხარდაჭერაში, კახა კალაძის მუშაობა ეფექტური იქნება“, - აღნიშნა დავით სერგეენკომ. 

თბილისის მერობის კანდიდატის განცხადებით კი, მისი ერთ-ერთი მთავარი პრიორიტეტი განათლებული და ჯანსაღი თაობის აღზრდაა.

„ჩვენ ძალიან ბევრი ნიჭიერი ახალგაზრდა გვყავს, ვისაც ხელშეწყობა სჭირდება იმ მიმართულებით, რომ მათი ნამუშევრების გამოფენის შესაძლებლობა მივცეთ. ამიტომ, ჩვენი მხრიდან, ამ მიმართულებით, მაქსიმალური თანადგომა და მხარდაჭერა იქნება“, - განაცხადა კახა კალაძემ. 

(NS) 

ავტორი: ,

სოციალური ქსელები

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა

სამტრედიაში რკინის კონსტრუციის ჩამოშლას ახალგაზრდა პირი ემსხვერპლა

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს