„მცურავი გაცვლითი კურსის რეჟიმი ქვეყნის კონკურენტუნარიანობის შენარჩუნებისთვის მნიშვნელოვანია“, - ამის შესახებ ეროვნული ბანკის პრეზიდენტმა კობა გვენეტაძემ ჟურნალისტებს განუცხადა.

როგორც მან აღნიშნა, ამ რეჟიმში ქვეყანამ კონკურენტუნარიანობა შეინარჩუნა და ეს საგარეო სექტორში გაზრდილ მაჩვენებელში კარგად ჩანს.

„ეროვნულ ბანკს არ აქვს რაიმე კონკრეტული მაჩვენებელი გაცვლით კურსთან დაკავშირებით და ისევე, როგორც სხვა ცენტრალური ბანკები, არ აკეთებს გაცვლითი კურსის პროგნოზირებას. მთავარი ამ მიმართულებით არის ის, რომ ქვეყანაში გვქონდეს ბაზრის მიერ შემოთავაზებული კურსი. ეს იქნება ის კურსი, რომელიც საშუალებას მისცემს ქვეყანას, ნებისმიერ შემთხვევაში, პოტენციური საგარეო შოკის შემთხვევაში, რაც შეიძლება ნაკლები საზოგადოებრივი დანახარჯებით გადაიტანოს ეს შოკი. გაცვლითი კურსის ასეთი რეჟიმი მნიშვნელოვანია ქვეყნის კონკურენტუნარიანობის შენარჩუნებისთვის და ის, რომ ქვეყანამ შეინარჩუნა კონკურენტუნარიანობა ძალიან კარგად ჩანს იმ საგარეო სექტორში გაზრდილ მაჩვენებელში, რომელზეც დღეს იყო საუბარი. მინდა დავამატო, რომ ამ მიმართულებით გაცილებით უფრო მნიშვნელოვანია ის ღონისძიებები და ის მიმართულება, რაზეც ვმუშაობთ მთავრობასთან ერთად - ეს არის დოლარიზაციის შემცირება ქვეყანაში. როგორც მოგახსენეთ, აქ შედეგი გვაქვს“, - განაცხადა კობა გვენეტაძემ.

ავტორი: ,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა