„პატრიოტთა ალიანსის“ წევრ ადა მარშანიას გამონაკლისის სახით მიკროფონი კიდევ ერთხელ ჩაურთეს. მარშანია პარლამენტის თავმჯდომარის ტრიბუნასთან მივიდა და ირაკლი კობახიძეს   მუხლ 2-თან დაკავშირებით შეთანხმება შეახსენა.

კერძოდ, ადა მარშანიას განცხადებით, შეთანხმებულები იყვნენ, რომ კონსტიტუციაში ჩაიწერებოდა ფრაზა-საქართველოს სახელმწიფო ენა არის ქართული, აფხაზეთის ავტონომიურ რესპუბლიკაში აფხაზური და ქართული სახელმწიფო ენა დაცულია ორგანული კანონით.  მარშანიას თქმით, დარიგებულ მასალებში სხვა ჩანაწერია:

„თქვენი ტყუილები არ მთავრდება, კარგად მახსოვს ერთხმად შევთანხმდით იმაზე, რომ რედაქცია შეიცვლება.  მე-8 მუხლი იყო ძველი კონსტიტუციის, ახლა არის მუხლი მე-2.სახელმწიფო სიმბოლოები, მე-3 პუნქტი. ძველი რედაქციაა რატომღაც დარჩენილი, ეს სერიოზული საკითხია, საკითხი ეხება აფხაზურ ენას და ქართულ ენას აფხაზეთის ავტონომიურ რესპუბლიკაში. ჩვენი შემოთავაზებაა, საქართველოს სახელმწიფო ენა არის ქართული, შემდეგი ფრაზა,  არავითარი ხოლო- აფხაზეთის ავტონომიურ რესპუბლიკაში აფხაზური და ქართული სახელმწიფო ენა დაცულია ორგანული კანონით. გახსოვთ ძველი უხერხული რედაქცია, რომელიც ჩვენ ერთხმად შევცვალეთ. დარიგებულ მასალებში რატომღაც ძველი რედაქციაა“,-აღნიშნა ადა  მარშანიამ.

პარლამენტის ვიცე-სპიკერმა თამარ ჩუგოშვილმა ადა მარშანიას რეგლამენტის დაცვისკენ მოუწოდა:

„ეს უკვე არასერიოზულიც აღარ არის, ქალბატონო ადა, სირცხვილია “,-მიმართა მარშანიას ჩუგოშვილმა.

ავტორი: ,

სოციალური ქსელები

ცოტნე ანანიძე: სამწუხაროდ, დანაშაული ხდება ყველგან და მოხდება, ვიდრე კაცობრიობა იარსებებს

ზარქუა ოქრიაშვილზე თავდასხმაზე: ცუდია, რაც მოხდა, მაგრამ არავის გაუტარებს ქართული საზოგადოება

23 ივლისის საღამოდან 24 ივლისის დილამდე საქართველოს უმეტეს ტერიტორიაზე დროგამოშვებით წვიმაა მოსალოდნელი

SJC: ოქრიაშვილზე თავდასხმა ოცნებისა და მისი მედიების მიერ დისკრედიტაციის კამპანიის შედეგია