დედაქალაქში ავტობუსების ცალკეულ მარშრუტებზე ცვლილებები განხორციელდა, - ამის შესახებ „ექსპრესნიუსს“ თბილისის მერიის პრესსამსახურიდან აცნობეს.

მათივე ინფორმაციით, მოსახლეობის თხოვნის გათვალისწინებით, მარშრუტებზე  სამუშაო დროის ხანგრძლივობა გაიზარდა, საღამოს საათებში დაემატა რეისები, ასევე შემცირდა მარშრუტებზე მოძრაობის ინტერვალები.

„მოქალაქეების სატრანსპორტო მომსახურების სერვისის გაუმჯობესების მიზნით, თბილისის  მერიის ტრანსპორტის საქალაქო სამსახურთან ერთად შემუშავდა და ცვლილებები შევიდა  მუნიციპალური ავტობუსების მარშრუტების სამუშაო განრიგში.

ცვლილებები შეეხო სოფელ პატარა ლილოს, ვარკეთილის მეურნეობას, სოფელ დიდი ლილოს, ორხევის დასახლებას, სოფელ ნასაგურს, სოფელ წინუბნის, ლოჭინი-ლილოს დასახლებას და თბილისის ზღვის მიმდებარე ტერიტორიიდან  ივერთუბნის გავლით რკინიგზის გადასასვლელ ხიდამდე მომუშავე მარშრუტებს.

მოსახლეობის ინფორმირებისთვის, სატრანსპორტო მარშრუტების ცვლილებების შესახებ ინფორმაცია ყველა აღნიშნულ დასახლებაში მომუშავე ავტობუსების სალონებში გაიკვრება“, - ნათქვამია მერიის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს