დიდი ბრიტანეთის მთავრობამ საფრთხის დონის მაჩვენებელი კრიტიკულ ნიშნულამდე გაზარდა

2017-09-16 00:57:18, 2322 ნახვა

მსოფლიო

დიდი ბრიტანეთის პრემიერ-მინისტრმა ტერეზა მეიმ ქვეყნის მასშტაბით საფრთხის დონის მაჩვენებელი კრიტიკულ ნიშნულამდე გაზარდა, - ამის შესახებ BBC იუწყება.

მედია საშუალების ინფორმაციით, ტერეზა მეიმ შესაბამისი გადაწყვეტილება ლონდონის მეტროსადგურში მომხდარი აფეთქების შემდეგ მიიღო.

როგორც ქვეყნის პრემიერმა აღნიშნა, მომდევნო დღეების განმავლობაში ქალაქის ქუჩებში შეირაღებული პოლიციელები და სამხედროები გამოჩნდებიან.

"ამ დროისთვის, დაცვითი მოვალეობის შესასრულებლად პოლიციის ოფიცრებს სამხედრო პერსონალი ჩაანაცვლებს. ეს გარკვეულ დაცულ ადგილებში მოხდება, სადაც გადაადგილება შეზღუდული იქნება" - განაცხადა ტერეზ მეიმ.

ცნობისთვის, მომხდარზე პასუხისმგებლობა "ისლამურმა სახელმწიფომ" აიღო. აფეთქების შედეგად 29 ადამიანი დაშავდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები