განათლების მინისტრის მოადგილე გია შარვაშიძე უწყებასთან შეკრებილ აქციის მონაწილეებს შეხვდა.

მან აქციის ერთ-ერთ წევრს კობა სუბელიანს და მედიის წარმომადგენლებს მინისტრთან შეხვედრა შესთავაზა, თუმცა ამას მშობლების მხრიდან პროტესტი მოჰყვა. ისინი აცხადებდნენ, რომ მინისტრთან თავად სურდათ შეხვედრა.

გარდა ამისა, მინისტრის მოადგილესა და მშობელთა საინიციატივო ჯგუფს შორის სკოლაში შესასვლელი ბავშვის ასაკის განსაზღვრასთან დაკავშირებით დიალოგი გაიმართა. ზოგიერთი მათგანი ამბობდა, რომ მათმა ბავშვმა ბაღი დაამთავრა, მოსამზადებელი პერიოდი გაიარა, თუმცა სკოლაში შესვლას ვერ ახერხებს, რადგან ექვსი წელი 10 – 15 სექტემბერს უსრულდება.

როგორც მათ მინისტრის მოადგილემ უპასუხა, ამასთან დაკავშირებით ფსიქოლოგს შეახვედრებს და მათ პასუხებს ის გასცემს.

„რა გარანტია გაქვთ, რომ ბავშვს აქვს სასკოლო მზაობა? ჩვენ ვზრუნავთ ბავშვის უფლებებზე“,- აღნიშნა შერვაშიძემ.

რაც შეეხება გარდამავალ პერიოდს, მინისტრმა აღნიშნა, რომ ეს პრობლემა ყოველთვის იქნება.

მიუხედავად მინისტრის მოადგილის შეთავაზებისა, კობა სუბელიანმა მინისტრთან შეხვედრაზე უარი განაცხადა და თამარ სანიკიძე მხოლოდ მედიის წარმომადგენლებს შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა