გაასაჩივრებს თუ არა პროკურატურა მკვლელობის მომზადების მოტივის ნაწილში სასამართლოს გადაწყვეტილებას, მას შემდეგ გახდება ცნობილი, რაც მათ განაჩენის სამოტივაციო ნაწილი ჩაბარდებათ.

ამის შესახებ ჟურნალისტებს ე.წ. ციანიდის საქმის ერთ-ერთმა პროკურორმა ჯარჯი წიკლაურმა განუცხადა.

„მოსამართლემ გააკეთა განმარტება, მან ჩათვალა, რომ მკვლელობა იგეგმებოდა შურისძიების მოტივით. რატომ გადააკვალიფიცირა ამ კუთხით, როდესაც სამოტივაციო ნაწილი ჩაგვბარდება, გავეცნობით, მივიღებთ გადაწყვეტილებას მხოლოდ მოტივის ნაწილში გავასაჩივრებთ თუ არა“, - განაცხადა პროკურორმა.

შეგახსენებთ, მოსამართლე ბესიკ ბუგიანიშვილმა ე.წ. ცინაიდის საქმეზე მუხლი გადააკვალიფიცირა და მამა გიორგი მამალაძე დამნაშავედ სცნო შორენა თეთრუაშვილის მკვლელობის შურისძიებით მომზადებაში. სახელმწიფო ბრალდება კი დეკანოზს შორენა თეთრუაშვილის ანგარებით მკვლელობის მომზადებას ედავებოდა. იგი ასევე დამნაშავედ იქნა ცნობილი იარაღის უკანონო შენახვაში. საბოლოო ჯამში, დეკანოზს 9 წლით თავისუფლების აღკვეთა მიესაჯა.

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა