ე.წ. ციანიდის საქმის ადვოკატმა მიხეილ რამიშვილმა მედიასთან განმარტა, თუ რაზე გაამახვილა დაცვის მხარემ ყურადღება საკუთარ დასკვნით სიტყვაში.

რამიშვილის თქმით, მოსამართლეს საქმეში არსებულ დარღვევებთან დაკავშირებით მიაწოდეს ინფორმაცია.

ადვოკატი ირწმუნება, რომ ბრალდების მხარის მოწმეების ჩვენებები და მტკიცებულებები არ ასაბუთებს წაყენებული ბრალის საფუძვლიანობას.

მიხეილ რამიშვილი აცხადებს, რომ ციანიდი მამა გიორგი მამალაძეს ჩაუდეს.

"უსაფრთხოების სამსახურის თანამშრომლებს, ჩვენებებიდან გამომდინარე, თუ იქნებოდა იქ ამდაგვარი ნივთიერება, წარმოუდგენელია, არ აღმოეჩინათ. შესაბამისად, არ იქნა აღმოჩენილი, რადგან არ არსებობდა და აღმოჩნდა მას შემდეგ, როცა ბარგის შესამოწმებლად დასჭირდათ 9 საათი. მიიღეს მითითებები, როგორ ემოქმედათ და შემდეგ აღმოაჩინეს ციანიდი. იმედი მაქვს, მოსამართლის გადაწყვეტილება დამოუკიდებელი და სამართლიანი იქნება. გამამტყუნებელი განაჩენის შემთხვევაში, ეს იქნება ჩვენი ქვეყნისთვის, ჩვენი მართლმსაჯულებისთვის კატასტროფა. მაშინ არავინ არასდროს ვიქნებით დაცული, რომ ჩვენი სიმართლე გვქონდეს", - განაცხადა მიხეილ რამიშვილმა.

ჯერჯერობით მამა გიორგი მამალაძეს საბოლოო სიტყვა არ უთქვამს. უცნობია, მოესწრება თუ არა დღევანდელ პროცესზე ბრალდებულის სასამართლოს წინაშე საბოლოო სიტყვით გამოსვლა.

ავტორი: ,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა