საქართველოს შინაგან საქმეთა მინისტრმა, გიორგი მღებრიშვილმა ესპანეთის სამეფოს შინგან საქმეთა მინისტრს, ხუან იგნასიო ზოიდო ალვარეზს სამძიმრის წერილი გაუგზავნა.

„შეძრული ვარ უკანასკნელი მოვლენებით და უდიდეს მწუხარებას გამოვხატავ იმ უდანაშაულო ადამიანების მსხვერპლის გამო, რაც ესპანეთის სამეფოში, ბარსელონაში, მშვიდობიანი მოქალაქეების წინააღმდეგ განხორციელებულ ტერორისტულ აქტს მოჰყვა. გთხოვთ, ჩემი სამძიმარი გადასცეთ დაღუპულთა ოჯახებს, დაშავებულებს კი სწრაფად გამოჯანმრთელებას ვუსურვებ. ჩვენი ფიქრები დღეს დაღუპულებთან, მათ ოჯახებსა და ახლობლებთან, ესპანელ ხალხთან არის.

ტერორიზმი არის უდიდესი გამოწვევა, რომელსაც ყოველდღიურად უდანაშაულო ადამიანების სიცოცხლე ეწირება. ტერორიზმის წინააღმდეგ ბრძოლა პრინციპულად მნიშვნელოვანი პრიორიტეტია ჩვენი თავისუფალი და ღია საზოგადოებისათვის.

განსაკუთრებით მნიშვნელოვანია, რომ დღეს მთელი ცივილიზებული მსოფლიო გაერთიანებულია იმისთვის, რომ ერთხელ და სამუდამოდ ბოლო მოეღოს ისეთ ბოროტებას, როგორიც არის ტერორიზმი. ბარსელონას ტრაგედია არის მორიგი სიგნალი, როდესაც ჩვენ მტკიცე ზომების მიღება გვმართებს ამ სისასტიკის შესაჩერებლად.

ჩვენ თანადგომას ვუცხადებთ ესპანეთის სამეფოს მთავრობას ტერორიზმის წინააღმდეგ ბრძოლაში.

ამავდროულად, მტკიცედ გვწამს, რომ ვერაფერი აღუდგება წინ ესპანელი ხალხის სწრაფვას თავისუფლების, უსაფრთხოებისა და განვითარებისაკენ“, - ნათქვამია სამძიმრის წერილში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს