8 აგვისტოს, 8 საათზე, ყვარელში, მუნიციპალიტეტის გამგეობის შენობის წინ ახალაგზრდების მიერ ორგანიზებული ღონისძიება "მე მახსოვს აგვისტო" გაიმართა.

ღონისძიება ღია ცის ქვეშ მოეწყო და 1 საათი გაგრძელდა. საზოგადოების წევრებმა, პოეტებმა და ომში დაღუპული მებრძოლების ახლობლებმა  და ომში დაღუპული მებრძოლები გაიხსენეს. ღონისძიებაზე ყვარლის მუნიციპალიტეტში დაღუპული მებრძოლები ილია შავერდაშვილი, ზურა ტურაშვილი, გელა მებაღიშვილი და დავით ელიზბარაშვილი განსაკუთრებულად მოიგონეს. ისაუბრეს მათი ბავშობის, განვლილი გზისა და ომში ყოფნის პერიოდზე.

ღონისძიება სპონტანური სახის იყო და მუნიციპალიტეტის გამგეობის მხარდაჭერით მოეწყო. დასრულებისას სიმბოლურად სანთლები აანთეს, ომში დაღუპული მებრძოლების ხსოვნის უკვდავსაყოფად და 08.08.08 გამოსახეს.

საღამოზე 15 წუთიანი დოკუმენტური ფილმიც უჩვენეს. შეკრებილებს კი გულზე დასაბნევად ყაყაჩოები დაურიგეს. ღონისძიების ბოლოს შეკრებილმა საზოგადოებამ ერთობლივად შეასრულა საქართველოს სახელმწიფო ჰიმნი.

ღონისძიებას ომში დაღუპულ მებრძოლების ახლობლები, ადგილობრივი ხელისუფლების წარმომადგენელები და საზოგადოების წევრები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს