საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე ენერგეტიკის მინისტრის მოადგილეს ირაკლი ხმალაძეს  ელექტროენერგიის ტარიფის გაზრდასთან დაკავშირებით გავრცელებულ ინფორმაციაზე განმარტებების გაკეთება მოსთხოვა.

ამასთან, პრემიერმა ენერგეტიკის სამინისტრო შიდა საუბრების  გასაჯაროვების გამო გააკრიტიკა.

ირაკლი ხმალაძემ ელექტროენერგიის ტარიფის მატების შესახებ ინფორმაცია არ დაადასტურა.

"არც ერთი  წინადადება ჯერ შინაარსობრივად განხილული არ არის და ვერანაირ ინფორმაციას ტარიფის ზრდასთან დაკავშირებით ვერ დავადასტურებთ",-განაცხადა ირაკლი ხმალაძემ.
"რა საჭირო იყო  საჯაროდ რაღაც თემის ატაცება? ძალიან მომაგონა, მიმანიშნა ამან ხელოვნურად იყო ინსცენირებული რაღაც. მითუმეტეს,  არ არის ჯერ განხილული წინადადება, პოზიცია არ ჩანს და მოსახლეობას ხელოვნურად ძაბავენ.ეს ძალიან ჰგავს ხელოვნურ სპექტაკლს.და გთხოვთ, რომ ყველამ  თავი შეიკავოთ, მანამ სანამ არ იქნება პოზიცია ჩამოყალიბებული, გთხოვთ ყველას, როგორც ენერგეტიკის სამინისტროს, მარეგულირებელ კომისიას, რომ თქვენი შიდა საუბრები  არ უნდა გახდეს  საჯარო, თქვენ შიგნით ისაუბრეთ, იმსჯელეთ ამა თუ იმ კომპანიის მომართვებზე,  მაგრამ ეს არ უნდა იყოს საჯარო, მოსახლეობას ნუ ძაბავთ, როცა ამ ეტაპზე არავითარი ფასის მატება არ იგეგმება",-განაცხდა ირაკლი ღარიბაშვილმა.

ირაკლი ხმალაძემ განმარტება  შიდა საუბრების გასაჯაროვებასთან დაკავშირებითაც გააკეთა:

"გუშინ მოხდა მხოლოდ განაცხადების განხილვა ადმინისტრაციული წარმოების  დაწყების შესახებ.კომისიის სხდომები საჯაროა და მოხდა უბრალოდ მედია საშუალებებში ამ ინფორმაციის გავრცელება", - უპასუხა ენერგეტიკის მინისტრის მოადგილემ პრემიერ-მინისტრს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ყველა აეროპორტში ფრენების ჩამოსვლასა და გამგზავრებაზე შეზღუდვებია დაწესებული

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს