საქართველოს თავდაცვის მინისტრი ლევან იზორია დავით აღმაშენებლის სახელობის საქართველოს ეროვნული თავდაცვის აკადემიის სამეთაურო-საშტაბო კურსის რიგით მეექვსე გამოშვების ცერემონიალს დაესწრო.

უწყების ინფორმაციით, ლევან იზორიამ მსმენელებს სამეთაურო-საშტაბო კურსის (CGS) წარმატებით დასრულება მიულოცა და სამხედრო კარიერაში წინსვლა უსურვა.

სიტყვით მიმართვისას, ლევან იზორიამ ყურადღება უწყებისათვის პროფესიული სამხედრო განათლების პრიორიტეტულობაზე გაამახვილა. მან სამხედრო განათლების მაღალი დონის  უზრუნველყოფის საქმეში შეიარაღებული ძალების გენერალური შტაბისა და საერთაშორისო პარტნიორების წვლილი გამოყო. თავდაცვის მინისტრმა ყურადღება ეროვნული თავდაცვის აკადემიის სასწავლო - სამაგისტრო პროგრამებზე, ასევე საერთაშორისო პარტინიორებთან ინსტიტუციურ თანამშრომლობაზე გაამახვილა.

ლევან იზორიამ და თავდაცვის უწყების ხელმძღვანელმა პირებმა სამეთაურო-საშტაბო კურსის წარჩინებულ მსმენელებს დიპლომები გადასცეს.

ღონისძიების დასკვნით ნაწილში, სამეთაურო-საშტაბო კოლეჯის ოთხ ინსტრუქტორს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ  მედლები გადასცა.

სამეთაურო-საშტაბო კურსი 40 ოფიცერმა დაასრულა. უფროსი რანგის სამხედრო მოსამსახურეები 11 თვის განმავლობაში ტაქტიკურ და ოპერატიულ დონეებზე სამეთაურო-საშტაბო უნარ-ჩვევებს დაეუფლნენ.

ღონისძიებას, რომელიც თავდაცვის სამინისტროს „არმიჰოლში“ ჩატარდა, ეროვნული თავდაცვის აკადემიის რექტორი, პოლკოვნიკი ზაზა ჯაფარიძე და  თავდაცვის უწყების მაღალი რანგის წარმომადგენლები დაესწრნენ.

სამეთაურო-საშტაბო კოლეჯი საქართველოს შეიარაღებულ ძალებში არსებული სამხედრო პროფესიული განათლების უმაღლეს საფეხურს წარმოადგენს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს