ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, საქართველო იმყოფება გზაზე, რომელზეც ევროკავშირის მაქსიმალური მხარდაჭერა სჭირდება.

როგორც დოლიძემ ბათუმში, კონფერენციაზე „საქართველოს ევროპული გზა“ სიტყვით გამოსვლისას აღნიშნა, ვიზის ლიბერალიზაციის გადაწყვეტილება ევროკავშირის მხრიდან მნიშვნელოვანი პოლიტიკური ნაბიჯი იყო.

"ალბათ ძალიან რთულია, დეოკუპაციის და იმ სირთულეების პარალელურად, რომელიც დედაქალაქიდან და ცენტრალური მაგისტრალიდან რამდენიმე მეტრში ხდება, აწარმოო რეფორმები, ნაბიჯები გადადგა წინ. არ არის ნამდვილად იოლი, მაგრამ ჩვენ ამის მიუხედავად ვდგამთ ნაბიჯებს და მომავალშიც გადავდგამთ. ჩვენ რეალური წარმატებები გვაქვს. ვფიქრობ, რომ ვიზის ლიბერალიზაცია იყო ძალიან მნიშვნელოვანი, როგორც პრაქტიკული ასევე პოლიტიკური გადაწყვეტილება მიღებული ევროკავშირის მიერ. ვფიქრობ, რომ საქართველოს ენერგოგაერთიანებაში სრულფასოვანი გაწევრიანება არის ძალიან მნიშვნელოვანი წინ გადადგმული ნაბიჯი. ახლა ვიმყოფებით გზაზე სადაც გვინდა, რომ მაქსიმალური მხარდაჭერა და მობილიზება გავუკეთოთ ამ მხარდაჭერას საერთაშორისო თანამეგობრობის მხრიდან, რათა მომავალი ნოემბრის ბრიუსელის სამიტი, იყოს როგორც პოლიტიკურად ასევე სხვადასხვა პრაქტიკული მიმართულებებით ნაყოფიერი საქართველოსთვის", - განაცხადა ვიქტორ დოლიძემ.

მან აღნიშნულ საკითხებში საქართველოს პრემიერ-მინისტრის პასუხისმგებლობას გაუსვა ხაზი და დასძინა, რომ გიორგი კვირიკაშვილი ყველა წინ გადადგმულ ნაბიჯს წარმატებით ასრულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა