ბაგრატის ტაძარი მსოფლიო კულტურული მემკვიდრეობის ნუსხიდან ამოიღეს.

როგორც „ექსპრესნიუსს“ კულტურის და ძეგლთა დაცვის სამინისტროში განუცხადეს, აღნიშნულის მიზეზი 2008 წელს განხორციელებული სარეაბილიტაციო სამუშაოები გახდა.

„იუნესკოს ნომინაციაზე იყო წარდგენილი გელათისა და ბაგრატის ტაძარი. 2010 წელს იუნესკომ მთლიანი კომპლექსი გადაიტანა საფრთხის ქვეშ მყოფი ძეგლების ნუსხაში, რადგან 2008 წელს განხორციელდა რეაბილიტაცია და იუნესკომ ეს შეაფასა, როგორც დაუშვებელი ჩარევები სარეაბილიტაციო სამუშაოების დროს. შედეგად, ძეგლმა დაკარგა ზოგადსაკაცობრიო ღირებულება“, - განაცხადეს სამინისტროში.

მათივე ცნობით, ბოლო რამდენიმე წლის განმავლობაში აქტიურად მიმდინარეობდა მუშაობა, რომ გელათისა და ბაგრატის სამონასტრო კომპლექსები სხვადასხვა ობიექტებად ყოფილიყო ნომინირებული. შედეგად, გელათის სამონასტრო კომპლექსი კულტურული მემკვიდრეობის ნუსხას დაუბრუნდა.

„ბოლო რამდენიმე წლის განმავლობაში აქტიურად მიმდინარეობდა მუშაობა, რათა კულტურული მემკვიდრეობის დაცვის სააგენტოსა და საქართველოს კულტურის სამინისტროს ხელშეწყობით, გელათისა და ბაგრატის სამონასტრო კომპლექსები სხვადასხვა ობიექტებად ყოფილიყო ნომინირებული, რაც ნიშნავს იმას, რომ ბაგრატის ტაძარი ამოღებულ იქნა იუნესკოს კულტურული მემკვიდრეობის ნუსხიდან. მიუხედავად ამისა, კულტურის სამინისტრო საერთაშორისო ორგანიზაციებთან ერთად იწყებს მუშაობას ახალ პროექტზე - ქუთაისის ისტორიული ლანდშაფტის ზონის  ნომინაციაზე, სადაც ბაგრატის ტაძარიც მოიაზრება“, - განაცხადეს კულტურის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ამ დროისთვის ორივენი არიან სტაბილურად - ექიმი ვერაზე დაჭრილ ახალგაზრდებზე

შსს-მ ონისე ოქრიაშვილზე თავდამსხმელთაგან მხოლოდ ერთი პირი დააკავა

ვერაზე მოკლული 17 წლის ნიკოლოზ ღუნაშვილია, მან ეროვნული გამოცდები წარმატებით ჩააბარა

ვერაზე სროლის დეტალები - თავდაპირველად შელაპარაკება დაკავებულ ნიკა კაპანაძის დედასა და დაჭრილებს შორის მოხდა