2017-07-04 10:44:03, 2475 ნახვა
სამართალი
წინანდალში ავტოსაგზაო შემთხვევას ორი ადამიანი ემსხვერპლა
წინანდალში ავტოსაგზაო შემთხვევა მსხვერპლით დასრულდა.
როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, მსუბუქი ავტომობილისა და კომბაინის ერთმანეთთან შეჯახების შედეგად, ორი ადამიანი დაიღუპა. გარდაცვლილია მსუბუქი ავტომობილის მძღოლი და მგზავრი.
შემთხვევის შედეგად კიდევ სამი ადამიანი დაშავდა. ისინი საავადმყოფოში არიან გადაყვანილი.
მომხდარზე გამოძიება სისხლის სამართლის კოდექსის 276-ე მუხლის მეშვიდე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რასაც ორი ან მეტი ადამიანის მსხვერპლი მოჰყვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
