ერაყის სამხედრო ძალებმა ქალაქი მოსული ტერორისტული დაჯგუფება „ისლამური სახელმწიფოსგან” გაათავისუფლეს, - ამის შესახებ BBC იუწყება.

მედია საშუალების ინფორმაციით, ქვეყნის სამხედრო ძალებმა ქალაქ მოსულში მდებარე მეჩეთის ალ-ნურის მიმდებარე ტერიტორიიდან ტერორისტები განდევნეს და კონტროლი დაიბრუნეს. ამასთან, მედიის ცნობით ტერიტორია ამ დრომდე იბომბება და მიმდინარეობს საბოლოო "გაწმენდითი" მოქმედებები. 

ერაყის თავდაცვის სამინისტროს განცხადებით, ქვეყანაში ექსტრემისტების მმართველობა დასრულებულია.

„მათ მიერ გამოგონილი სახელმწიფო განადგურდა“, – განაცხადა გენერალმა იაჰია რასულმა.

როგორც BBC წერს, მოსულის ძველ ნაწილში დაახლოებით 300 ჯარისკაცი კვლავ იბრძვის, თუმცა ერაყის ხელისუფლება ვარაუდობს, რომ ომი, რომელიც უკვე 8 თვეა გრძელდება, უახლოეს დღეებში დასრულდება.

ომის განმავლობაში დაბომბვის შედეგად ათასობით მშვიდობიანი მოსახლე გარდაიცვალა, 850 000 კი იძულებული გახდა, სახლი მიეტოვებინა.

შეგახსენებთ, რომ მოსულის გასათავისუფლებლად ბრძოლა სახელისუფლებო ძალებმა 2014 წლის ზაფხულიდან დაიწყეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა