„ცენტრ პოინტის“ საქმის პროკურორი: კონკრეტული ნაბიჯები თუ არ გადაიდგა, საპროცესო შეთანხმება არ გაფორმდება

2017-06-15 12:43:03, 2468 ნახვა

სამართალი კომენტარი

„ვიდრე „ცენტრ პოინტის“ მხრიდან კონკრეტული ნაბიჯები არ გადაიდგმება დაზარალებულთა დასაკმაყოფილებლად, მსჯავრდებულებთან საპროცესო შეთანხმება არ გაფორმდება“, - ამის შესახებ „ცენტრ პოინტის“ საქმის პროკურორმა დავით გუმბერიძემ ჟურნალისტებს განუცხადა.

პროკურორის განცხადებით, გურამ რჩეულიშვილის მიერ შემოთავაზებული დაზარალებულთა დაკმაყოფილების გეგმა პროკურატურისთვის დამაკმაყოფილებელი არ არის.

"ბრალდების მხარე არანაირ გეგმას და სამოქმედო სტრატეგიას არ განიხილავს საპროცესო შეთანხმებასთან დაკავშირებით. ჩვენს მიერ შეთავაზებულია პირობა, რომ დაკმაყოფილდნენ დაზარალებულები. როდესაც ჩვენ გვექნება რეალური წინ გადადგმული ნაბიჯი და დაკმაყოფილდებიან დაზარალებულები, ამის შემდგომ ვიმსჯელებთ საპროცესო შეთანხმებაზე. მათ მიერ შემოთავაზებულია მხოლოდ გარკვეული ინვესტორები და სამომავლო გეგმა”,-განაცხადა გუმბერიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან