დოლიძე: უვიზო რეჟიმის ამოქმედების შემდეგ, საქართველოდან საზღვარი 20 ათასზე მეტმა ადამიანმა გადაკვეთა

2017-06-14 12:32:16, 2240 ნახვა

პოლიტიკა კომენტარი

''უვიზო რეჟიმის ამოქმედების შემდეგ საზღვარი 20 ათასზე მეტმა ადამიანმა გადაკვეთა და აქედან მხოლოდ ერთეულები მოაბრუნეს უკან'', - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ განაცხადა.

მინისტრის თქმით, საქართველოს მოქალაქეების საზღვრიდან გამობრუნება ტექნიკური გაუმართაობის ან არ ცოდნის გამო მოხდა.

''ჯერჯერობით მხოლოდ და მხოლოდ პოზიტივი შემიძლია გითხრათ. გამომდინარე იქიდან რომ ივნისის ბოლომდე სტატისტიკა საქმიანი მიმოსვლის თაობაზე არ გვექნება. მაგრამ რა თქმა უნდა დღევანდელო სტატიკური მონაცემები გაგვაჩნია. მინდა გითხრათ, რომ 20 ათასზე მეტმა ადამიანმა გადაკვეთა საზღვარი და არიან ერთეულები, რომლებიც ტექნიკური გაუმართაობის ან არ ცოდნის გამო დააბრუნეს უკან'',-განაცხადა მინისტრმა და დასძინა, რომ ცნობიერების ამაღლების კუთხით, ვიზალიბერალიზაციის შესახებ კამპანიას კარგი ძალიან კარგი შედეგი ჰქონდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან