მიხეილ მგალობლიშვილის ადვოკატის კახა ცნობილაძის შეფასებით, სასამართლო მისი დაცვის ქვეშ მყოფს საპატიმრო აღკვეთის ღონისძიებას, არასაპატიმრო ღონისძიებით შეუცვლის.

როგორც მან ჟურნალისტებს პროცესის დაწყებამდე განუცხადა, აღნიშნული მოლოდინის საფუძველს პროკურატურის განცხადება აძლევს, რომლის თანახმადაც, ბრალდების მხარე ეთანხმება მიხეილ მგალობლიშვილის მიმართ არასაპატიმრო აღკვეთის ღონისძიების გამოყენებას.

„მოლოდინი გვაქვს კარგი გამომდინარე იქიდან, რომ ბრალდების მხარე მხარს უჭერს დაცვის მხარის შუამდგომლობას პატიმრობის შეცვლის შესახებ. ვფიქრობთ, სასამართლო მიიღებს კანონიერ გადაწყვეტილებას, დააკმაყოფილებს დაცვის მხარის შუამდგომლობას და მგალობლიშვილს აღკვეთის ღონისძიების სახით პატიმრობას გირაოთი შეუცვლის“, - განაცხადა ადვოკატმა.

რაც შეეხება მგალობლიშვილის მიმართ წაყენებულ ბრალდებას, ადვოკატის თქმით, გამოძიება გაგრძელდება.

ის ასევე ვარაუდობს, რომ გამოძიების მიმდინარეობისას ბრალის დამადასტურებელი მტკიცებულებების არ ქონის გამო, საქმე შეწყდება.

„ჩვენ გვაქვს მოლოდინი, რომ გამოძიების მიმდინარეობისას შეწყდება ეს საქმე, თუ არა და სასამართლოში მაინც გამართლდება. დაცვის მხარე მოიპოვებს ყველა იმ მტკიცებულებას, რომელიც მიხეილ მგალობლიშვილის უდანაშაულობას დაადასტურებს“, - აღნიშნა ადვოკატმა.

სააპელაციო სასამართლოში პროცესი, რომელზეც მიხეილ მგალობლიშვილისთვის საპატიმრო აღკვეთის ღონისძიების შეცვლაზე უნდა იმსჯელონ, 14:00 საათზეა ჩანიშნული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ