2017-06-01 10:48:30, 2556 ნახვა
კომენტარი
ჯეჯელავა: აფგან მუხთარლი ნამდვილად ჟურნალისტი აღმოჩნდა, გუშინ არასწორი ინფორმაცია მქონდა
დაზუსტდა და აფგან მუხთარლი ნამდვილად ჟურნალისტი აღმოჩნდა, გუშინ არასწორი ინფორმაცია მქონდა, - ამის შესახებ განათლების მინისტრმა ალექსანდრე ჯეჯელავამ განაცხადა.
როგორც ჯეჯელავამ აღნიშნა, მუხთარლი ჟურნალისტის გარდა უშიშროების სამსახურის უფროსიც არის.
„როგორც აღმოჩნდა, უშიშროების სამახურის უფროსიც იყო და ჟურნალისტური გამოძიებების ავტორიც“, - აღნიშნა ჯეჯელავამ.
ამასთან, მინისტრმა უარყო ქართველი ძალოვნების მონაწილეობა აზერბაიჯანელი ჟურნალისტის გადაცემაში.
ჯეჯელავას თქმით, ამ ბრალდებას ოპოზიცია ავრცელებს.
შეგახსენებთ, რომ გუშინ ალექსანდრე ჯეჯელავამ განაცხადა, რომ არასამთავრობოებმა უნდა გადაამოწმონ ინფორმაცია, არის თუ არა აფგან მუხტარლი რეალურად ჟურნალისტი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
