2017-05-31 12:48:05, 2296 ნახვა
პოლიტიკა კომენტარი
ვოლსკი პატრიარქის დაცვის უფროსის გათავისუფლებაზე: ამ საკითხში არ უნდა ჩავერიოთ
საპარლამენტო უმრავლესობის ლიდერის გია ვოლსკის განცხადებით, პატრიარქის დაცვის უფროსის ზურაბ ბუჩუკურის გათავისუფლება შიდა საკითხია და ამ გადაწყვეტილებაში არავინ უნდა ჩაერიოს.
„დაცვის უფროსი და ნებისმიერი თანამდებობის პირი შეიძლება დაინიშნოს, გათავისუფლდეს. ამ თემას ვერ გამოვეკიდები, არც თქვენ გირჩევთ იმიტომ, რომ ეს არის შიდა საკითხი მნიშვნელობა აქვს მხოლოდ თუ რა მტკიცებულებები არსებობს“, - განაცხადა გია ვოლსკიმ.
მისივე თქმით მუდმივად მოსამართლის და სასამართლოს დისკრედიტაციის მცდელობა არ არის ის კარგი მხარე, რომელიც „ხანდახან უჩა ნანუაშვილსაც ახასიათებს“.
ცნობისთვის, ზურაბ ბუჩუკური პატრიარქის პირადი დაცვის უფროსის თანამდებობიდან გათავისუფლდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
