პრეზიდენტის სასახლეში გამართულ შეხვედრაზე გიორგი მარგველაშვილმა თურქეთის პრემიერ–მინისტრს საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა და აღნიშნა, რომ თურქეთი საქართველოს უმნიშვნელოვანესი პარტნიორია.
 
შეხვედრაზე რეგიონში არსებული უსაფრთოხების საკითხები და ორმხრივი თანამშრომლობისა და ეკონომიკური ურთიერთობების თემები განიხილეს.
 

თურქეთის პრემიერმინისტრმა კიდევ ერთხელ დაადასტურა, რომ თურქეთი ყოველთვის იქნება საქართველოს ნატო-ში ინტეგრაციის მხარდამჭერი.
 
როგორც გიორგი მარგველაშვილმა შეხვედრაზე აღნიშნა, საქართველო და თურქეთი ერთმანეთთან უამრავი, ძალიან საინტერესო ინიციატივით არის დაკავშირებული, რომელიც ხელს უწყობს როგორც ორ ქვეყანას შორის თანამშრომლობას, ასევე, რეგიონულ თანამშრომლობასაც. 
შეხვედრაზე განიხილეს ყველა ის საკითხი, რომელიც კიდევ უფრო გააღრმავებს და გააძლიერებს ამ თანამშრომლობას.
 
აღინიშნა, რომ ქვეყნებს შორის ურთიერთობები ძალიან წარმატებულად და დინამიურად ვითარდება.

„საქართველოს თურქეთთან ძალიან აქტიური დღის წესრიგი აქვს, როგორც ორმხრივი ურთიერთობების, ასევე მრავალმხრივი ურთიერთობების მიმართულებით. რეგიონული თანამშრომლობის განვითარებისთვის. 

სასიხარულო და მნიშვნელოვანია, საქართველოს დამოუკიდებლობის დღის აღნიშვნისას.
 
გარდა ამისა, ნატო-ს წევრი ქვეყნები ემზადებიან ბრიუსელის სამიტისათვის, აქედან გამომდინარე, ნებისმიერი შეხვედრა ნატო-ს წევრი სახელმწიფოების უმაღლესი თანამდებობის პირებთან ჩვენთვის უაღრესად მნიშვნელოვანია.
 
თურქეთი საქართველოს ძალიან აქტიური მხარდამჭერია ნატო-სთან ინტეგრაციის მიმართულებით.  

ვარშავის სამიტზე ხაზგასმით აღინიშნა შავი ზღვის უსაფრთხოების პრობლემატიკა. შავი ზღვის უსაფრთხოების პრობლემატიკაში კი, თურქეთს ძალიან დიდი წვლილი მიუძღვის.
 
გარდა ამისა, საქართველო - ნატო-ს ორმხრივი ურთიერთობის კონტექსტში თურქეთი მონაწილეობს არსებითი პაკეტის იმპლემენტაციაში და ყველა იმ რეფორმაში, რომელიც საქართველოში ხორციელდება ნატო-სთან ინტეგრაციის მიზნით.  

ასე რომ ეს ჩართულობაუაღრესად ხელშემწყობია საქართველოს ნატო-ში ინტეგრაციისათვის",–აღნიშნა საქართველოს პრეზიდენტის საგარეო ურთიერთობათა მდივანმა თენგიზ ფხალაძემ.
 
შეხვედრას ესწრებოდნენ საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი, პრეზიდენტის საგარეო ურთიერთობათა მდივანი თენგიზ ფხალაძე, პოლიტიკური მდივანი ფიქრია ჩიხრაძე, საქართველოს ელჩი თურქეთის რესპუბლიკაში ირაკლი კოპლატაძე და ასევე თურქეთის მთავრობის წევრები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს