ე.წ ფოტოგრაფების საქმეზე მოსამართლემ კონტრდაზვერვის ყოფილი მაღალჩინოსანი დავით დევნოზაშვილი პატიმრობაში დატოვა.

მოსამართლემ პატიმრობაში დატოვების მიზეზად ბრალდებულის მხრიდან მოწმეებზე ზემოქმედების საფრთხე დაასახელა.

დაცვის მხარე დევნოზაშვილის გირაოს სანაცვლოდ გათავისუფლებას ითხოვდა,  პროკურატურა კი მიზანშეწონილად კვლავ პატიმრობას მიიჩნევდა. 

"არსებობს მიმალვის საფრთხე, არსებობენ მოწმეები, რომლებიც პირდაპირ უთითებენ დავით დევნოზაშვილზე. სანამ ჩვენ ამ მოწმეებს არ დავკითხავთ, არის მათზე ზემოქმედების საფრთხე და შესაბამისად პატიმრობა ერთადერთი მიზანშეწონილი გზაა. მას კავშირები აქვს ქვეყნის ფარგლებს გარეთ და მისთვის მიმალვა მარტივი იქნება", - განაცხადა პროკურმა ემზარ გაგნიძემ.

შეგახსენებთ, რომ ე.წ. ფოტოგრაფების საქმეზე დავით დევნოზაშვილს ბრალად ედება უფლებამოსილების გადამეტება. ამავე საქმეზე ბრალი აქვს წარდგენილი ალექსანდრე მუხაძეს, რომელიც ამჟამად წითელი ცირკულარით იძებნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს