2015-01-14 10:37:56, 5796 ნახვა
პოლიტიკა კომენტარი
თეა წულუკიანი: კოტე კუბლაშვილი იყო და დღესაც არის მარიონეტი
საქართველოს იუსტიციის მინისტრი თეა წულუკიანი კოტე კუბლაშვილის განცხადებას გამოეხმაურა, რომლის თანახმადაც, უზენაესი სასამართლოს თავმჯდომარეობის კანდიდატს პოლიტიკური წარსული არ უნდა ჰქონდეს.
როგორც წულუკიანმა აღნიშნა, თავად კოტე კუბლაშვილი იყო და დღესაც არის მარიონეტი "ნაციონალური მოძრაობის" ხელში.
"ამაზე ჩემი პასუხია, რომ თქვენმა მზემ იყავით პოლიტიკურად ნეიტრალური, ან პოლიტიკურად ნეიტრალურად დანიშნული. ის იყო მარიონეტი და დღესაც არის "ნაციონალური მოძრაობის" ხელში. ალბათ, საკუთარი გამოცდილებიდან გამომდინარე თქვა", - განაცხადა თეა წულუკიანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
