საქართველო გაეროს საგზაო უსაფრთხოების მეოთხე გლობალურ  კვირეულს შეუერთდა. კვირეულის გზავნილია "გაუფრთხილდი სიცოცხლეს, შეანელე!".

კვირეულის აღსანიშნავ კონფერენციაში, რომელიც სასტუმრო "რადისონში" იმართება, მონაწილეობას იღებენ გაეროს მუდმივი წარმომადგენლობის ხელმძღვანელი საქართველოში ნილ სკოტი, შინაგან საქმეთა მინისტრი გიორგი მღებრიშვილი, გარემოსა და ბუნებრივი რესურსების დაცვის მინისტრი გიგლა აგულაშვილი, თბილისის ვიცე-მერი ირაკლი ლექვინაძე, ეკონომიკისა და მდგრადი განვითარების სამინისტროს, გზების დეპარტამენტის წარმომადგენლები და არასამთავრობო სექტორი.

შეხვედრის მიზანია, საგზაო უსაფრთხოების სფეროში არსებული გამოწვევებისა და სამომავლო გეგმების განხილვა.

8-14 მაისის კვირის განმავლობაში საქართველოს მასშტაბით  სხვადასხვა სახის საგანმანათლებლო ღონისძიება იგეგმება.

საგზაო უსაფრთხოების კვირეული 100-ზე მეტ ქვეყანაში აღინიშნება და მისი მიზანია, მძღოლების ინფორმირება, რომ მაღალი სიჩქარით  გადაადგილება განსაკუთრებულ რისკს წარმოადგენს ყველა საგზაო მოძრაობის მონაწილისთვის და ზრდის როგორც  ავტოავარიის, ასევე მძიმე დაზიანებებისა და დაღუპვის რისკს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„Geely - შენი სპონტანური მოგონებებისთვის“ - „ჯილი ცენტრი თეგეტამ“ საზაფხულო კამპანია დაიწყო

Euromoney-იმ საქართველოს ბანკი მცირე და საშუალო ბიზნესისთვის ცენტრალური და აღმოსავლეთ ევროპის საუკეთესო ციფრულ ბანკად დაასახელა

Global Finance-მა BOG ფინანსურ სექტორში AI-ის დანერგვისთვის საუკეთესოდ დაასახელა

საპოლიციო ძალადობა სისტემის ყოველდღიურობის შემადგენელ ნაწილად იქცა - SJC