დაისჯება ყველა ის ადამიანი ვისი წვლილიც დადასტურდება, - ამის შესახებ ეკონომიკისა და მდგრადი განვითარების მინისტრმა გიორგი გახარიამ ტყიბულში, მინდელის შახტაში მომხდარი უბედურ უბედურ შემთხვევასთან დაკავშირებით ჟურნალისტებს განუცხადა.

როგორც მინისტრმა აღნიშნა, სახეზეა ტექნოლოგიური კატასტროფა.  

„პირველ რიგში რაც გაკეთდება, ეს იქნება აბსოლუტურად გამჭვირვალე, ცხადი, ყველასთვის ნათელი გამოძიება, იმ ფაქტების დადგენა თუ რა მოხდა, რატომ მოხდა. მეორე რაც გაკეთდება რა თქმა უნდა დაისჯება ყველა ის ადამიანი ვისი წვლილიც დადასტურდება და ეხლა რაც მთავარია უნდა მივხედოთ მდგომარეობას რაც აქ არის და უფრო მეტი ინფორმაცია გვექნება შემდგომ. დღეს რაც შეგვიძლია ვთქვათ, არის ტექნიკური, ასე ვთქვათ ტექნოლოგიური კატასტროფა და დიდი ტრაგედია. თანაგრძნობას ვუცხადებ კიდევ ერთხელ თითოეულ ტყიბულელს და მეშახტეს. ჩვენ სახეზე გვაქვს ტრაგიკული მოვლენა. გპირდებით, რომ გამოძიება იქნება აბსოლუტურად გამჭვირვალე“, - განაცხადა გიორგი გახარიამ.

შეგახსენებთ, ტყიბულის მინდელის შახტში მომხდარი უბედური შემთხვევის შედეგად ოთხი ადამიანი დაიღუპა. მომხდარზე გამოძიება სსკ-ის 240-ე მუხლით მიმდინარეობს რაც სამთო-სამშენებლო სამუშაოების  წარმოებისას უსაფრთხოების ნორმების დარღვევას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა