საპარლამენტო უმცირესობის წევრი სერგო რატიანი პრეზიდენტის დღევანდელ განცხადებას გამოეხმაურა, რომლის თანახმადაც, მზადაა,  უზენაესი სასამართლოს თავმჯდომარის კანდიდატურა კონსულტაციების გზით შეირჩეს.
 რატიანი მიიჩნევს, რომ მთავრობისა და უმრავლესობის მიერ წარმოებულ თამაშებში პრეზიდენტიც ჩაერთო.
"როგორც ჩანს, პრეზიდენტიც ჩაერთო პოლიტიკურ თამაშებში, რომელსაც მთავრობა და უმრავლესობა აწარმოებს.  ეს თამაშები მდგომარეობს იმაში, რომ მათ უნდათ,  ეს იყოს პოლიტიკური დანიშვნა.  მთავრობამაც და უმრავლესობამაც არაერთი იერიში მიიტანა სასამართლოს დამოუკიდებლობაზე და, როგორც ჩანს, ესეც შემდგომი ნაბიჯი",-განაცხადა სერგო რატიანმა.
ცნობისთვის, დღეს საქართველოს პრეზიდენტმა მზადყოფნა გამოხატა, უზენაესი სასამართლოს თავმჯდომარის კანდიდატურა, კონსულტაციების გზით შეირჩეს. მან საპარლამენტო უმრავლესობას, უმცირესობასა და ყველა დაინტერესებულ მხარეს მოუწოდა, კონსულტაციებში ჩაერთოს. თუმცა, როდის და რა ფორმატით დაიწყება კონსულტაციები, ჯერჯერობით უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა