2017-04-25 16:25:54, 2111 ნახვა
პოლიტიკა
„ქართული ოცნება“ მერობის და გამგებლების კანდიდატებს ივლის-აგვისტოში წარადგენს
„ქართული ოცნება“ ადგილობრივი თვითმმართველობის არჩევნებთან დაკავშირებით, საკუთარ კანდიდატებს ივლისს-აგვისტოში წარადგენს.
როგორც კობახიძემ ჟურნალისტებს განუცხადა, კანდიდატებთან დაკავშირებით მსჯელობა უახლოეს მომავალში დაიწყება.
„ალბათ, კანდიდატების სია ცნობილი ივლისს-აგვისტოში გახდება. ჩვენ შესარჩევი გვყავს როგორც მერობის და გამგებლობის კანდიდატები, ასევე საკრებულოებში შესარჩევია 1000-ზე მეტი კანდიდატი და პრინციპში, ამაზე მუშაობა უკვე დაწყებულია. ეს მსჯელობა ალბათ ინტენსიურ რეჟიმში უახლოეს მომავალში გაგრძელდება და საზოგადოებას კანდიდატებს სადღაც აგვისტოში წარვუდგენთ“,-აღნიშნა კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
