„მენატრება ისეთი ერთიანობა, როცა შეიძლებოდა ადამიანები საქართველოს ერთიანობის იდეის გარშემო ყოფილიყვნენ“, – ამის შესახებ საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა რუსთაველის გამზირზე 9 აპრილის მემორიალთან განაცხადა, სადაც მან დაღუპულთა ხსოვნას პატივი მიაგო. 

მისივე თქმით, ქართველი ერი ქვეყნის ერთიანობისთვის მშვიდობიანად იბრძოლებს.  

„საქართველოსთვის 9 აპრილი დარჩა დღედ, როდესაც მთელი ერი ერთმუშტად შეკრული იდგა ერთი იდეის გარშემო.  მე ნამდვილად მენატრება ასეთი ერთიანობა, როცა მართლაც შეიძლებოდა, რომ ადამიანები ყოფილიყვნენ მთლიანად სოლიდარული, საქართველოს დამოუკიდებლობის და ერთიანობის იდეის გარშემო. ჩვენ ალბათ კიდევ მოგვიწევს გაერთიანება, იმისათვის, რომ ჩვენი ერი გავამთლიანოთ, ადამიანების გულები გავაერთიანოთ, ჩვენი ძმების აფხაზების და ოსების გულები, ჩვენს მთლიან საქართველოსთან ერთად  და ეს მიიღწევა მხოლოდ და მხოლოდ მშვიდობიანად, თავდაუზოგავი შრომით, ერთიანობითა და სიყვარულით“, – აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა