დედამიწის საერთაშორისო დღესთან დაკავშირებით საქართველოს თავდაცვის მინისტრმა ლევან იზორიამ სამხედრო მოსამსახურეებთან ერთად გამწვანების აქციაში მიიღო მონაწილეობა.

გარემოსდაცვით ღონისძიებაში საქართველოს შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაიაც ჩაერთო. ჯარისკაცებმა უწყების ხელმძღვანელ პირებთან ერთად წვრთნებისა და სამხედრო განათლების მხარდამჭერი ცენტრის „კრწანისის“ ტერიტორიაზე, წმინდა კეთილმსახური მეფე დავით აღმაშენებლის სახელობის ეკლესიის ეზოში მარადმწვანე ხეები დარგეს.

დედამიწის დღე მსოფლიოში პირველად 1970 წელს აღინიშნა. ეს დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 200-მდე ქვეყნის სხვადასხვა ორგანიზაცია და მილიონობით მოხალისე მონაწილეობს.

საქართველო გარემოსდაცვით ღონისძიებას 1990 წელს შეუერთდა და აქტიურად არის ჩართული სხვადასხვა სახის აქციებში, რომლის მიზანი ცხოვრების ჯანსაღი წესის დამკვიდრება, ასევე სუფთა და ჯანმრთელი საცხოვრებელი გარემოს შექმნაა.   საქართველოს შეიარაღებული ძალების წარმომადგენლები მაღალი სოციალური პასუხისმგებლობით გამოირჩევიან და ყოველწლიურად გამწვანებისა და დასუფთავების სხვადასხვა აქციაში აქტიურად მონაწილეობენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს