კომუნიკაციების კომისიის თავმჯდომარის არჩევნებში მონაწილეობისთვის მხოლოდ კახი ბექაური დარეგისტრირდა

2017-04-21 21:32:09, 1812 ნახვა

საზოგადოება

საქართველოს კომუნიკაციების ეროვნული კომისიის დებულების მე–3 მუხლის მე–5 პუნქტის შესაბამისად, კომისიის წევრებმა ერთობლივად კომისიის თავმჯდომარის არჩევნებში მონაწილეობის მისაღებად კახი ბექაურის კანდიდატურა წარადგინეს.

ამის შესახებ ინფორმაციას კომუნიკაციების ეროვნული კომისიია ავრცელებს.

მათივე ინფორმაციით, არჩევნები 2017 წლის 2 მაისს, 17:00 საათზე საქართველოს კომუნიკაციების ეროვნულ კომისიაში გაიმართება.

„მაუწყებლობის შესახებ“ საქართველოს კანონში 2013 წლის 9 ოქტომბერს ძალაში შესული ცვლილებების თანახმად, საქართველოს კომუნიკაციების ეროვნული კომისიის თავმჯდომარეს ირჩევს თავად კომისია, სრული შემადგენლობის უმრავლესობით, სამი წლის ვადით. ერთი და იგივე პირი არ შეიძლება არჩეულ იქნეს კომისიის თავმჯდომარედ ერთზე მეტი ვადით.

კომისიის მოქმედ თავმჯდომარე ვახტანგ აბაშიძეს თავმჯდომარეობის ვადა ეწურება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან