ევროკავშირის საბჭოს პრეზიდენტს, დონალდ ტუსკს პოლონეთის პროკურატურა დაკითხავს, - ამის შესახებ TVN-24 იუწყება. 

მედია საშუალების ინფორმაციით, დონალდ ტუსკი დაკითხვაზე მოწმის სტატუსით არის დაბარებული. საქმე პოლონეთის სამხედრო კონტრდაზვერვის სამსახურის ხელმძღვანელებისა და რუსეთის ფედერალური უსაფრთხოების სამსახურს შორის თანამშრომლობას ეხება. არსებული ინფორმაციით, ეს თანამშრომლობა პოლონეთის ხელისუფლების თანხმობის გარეშე ხდებოდა. 

კერძოდ კი, პოლონეთის პროკურატურის ინფორმაციით, დონალდ ტუსკის პრემიერ-მინისტობის დროს, პოლონეთის სამხედრო კონტრდაზვერვის ხელმძღვანელებს საზღვარგარეთის რამდენიმე ქვეყნის სადაზვერვო სამსახურთან მთავრობის მეთაურის საჭირო ნებართვის გარეშე კავშირი ჰქონდათ. თავად დონალდ ტუსკი გამოძიებას პოლიტიკური კამპანიის ნაწილს უწოდებს. 

ცნობისთვის, პოლიტიკოსი დაკითხვაზე 15 მარტსაც დაიბარეს, თუმცა მან ევროპარლამენტის პლენარულ სხდომაზე დასწრების გამო ვერ შეძლო საგამოძიებო ორგანოში მისვლა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს