2017-04-13 13:39:54, 2535 ნახვა
საზოგადოება კომენტარი
ირაკლი ღარიბაშვილი გივი ბერიკაშვილზე: ეს ჩვენი ერისთვის დიდი დანაკლისია
მარჯანიშვილის თეატრში, სადაც სახალხო არტისტის გივი ბერიკაშვილის სამოქალაქო პანაშვიდი მიმდინარეობს, საქართველოს ყოფილი პრემიერ- მინისტრი ირაკლი ღარიბაშვილი მეუღლესთან ერთად მივიდა.
ყოფილმა პრემიერმა პანაშვიდზე შესვლამდე მედიასთან კომენტარი გააკეთა.
„ვფიქრობ, ეს არის ჩვენი ერისთვის ძალიან დიდი დანაკლისი“,-აღნიშნა ღარიბაშვილმა.
ამასთან, პრემიერ-მინისტრი გიორგი კვორიკაშვილი მსახიობის სამოქალაქო პანაშვიდს ესრება, თუმცა პრემიერს მედიასთან კომენტარი ჯერჯერობით არ გაუკეთებია.
ცნობისთვის, მარჯანიშვილის თეატრში მსახიობის და სახალხო არტისტის გივი ბერიკაშვილის სამოქალაქო პანაშვიდი მიმდინარეობს. გარდაცვლილის ოჯახს კოლეგები, მეგობრები, პოლიტიკოსები და რიგითი მოქალაქეები უსამძიმრებენ.
გივი ბერიკაშვილს მარჯანიშვილის თეატრიდან 14:00 საათზე გამოასვენებენ და 15:00 საათზე, საბურთალოზე, ამაღლების ეკლესიის ეზოში დაკრძალავენ.
შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
