თურქ დიპლომატთა და სამხედროთა რაოდენობა, რომლებმაც გერმანიის მთავრობას თავშესაფარი სთხოვეს 260-ზე მეტია, - ამის შესახებ ინფორმაციას გერმანული გამოცემა Der Spigel იუწყება.

მედია საშუალების ინფორმაციით, თურქი დიპლომატების და სამხედროების აღნიშნული მოთხოვნა ოფიცლიალური ბერლინის მიერ ჯერჯერობით არ დაკმაყოფილებულა. 

ამასთან, გამოცემის ცნობით, მიმდინარე წლის 28 თებერვლის მონაცემებით თავშესაფარს 136 დიპლომატი და სამხედრო ითხოვდა. 

როგორც გერმანიის საგარეო საქმეთა სამინისტროში აცხადებენ, სამხედრო გადატრიალების მცდელობის შემდეგ, რომელიც გასული წლის ივლისში მოხდა, თურქეთში ფეთჰულა გიულენის მომხრეებს დევნიან. 

შეგახსნებთ, ოფიციალური ანკარა, ივლისში მომხდარი სამხედრო გადატრიალების მცდელობაში, პენსილვანიაში მცხოვრებ ფეთჰულა გიულენს ადანაშაულებს. გადატრიალების მცდელობის დროს 200-ზე მეტი ადამიანი დაიღუპა, ასობით კი დაშავდა. მას შემდეგ თურქეთის ხელისუფლებამ ყველა სასწავლო დაწესებულება, მედია საშუალება ფეთჰულა გიულენთან კავშირის გამო დახურა. ამასთან, სამთავრობო ძალებმა ათასობით ადამიანი სამსახურიდან გაათავისუფლეს და დააპატიმრეს, გიულენთან კავშირის ბრალდებით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს