ახალგაზრდა რკინიგზელთა ასოციაციის ინიციატივითა და რკინიგზის მენეჯმენტის ხელშეწყობით გასული წლის ოქტომბრიდან, რკინიგზის თანამშრომლები ინგლისურსა და რუსულ ენებს უფასოდ სწავლობენ.

უკვე დასრულდა აღნიშნული პროექტის პირველი ეტაპი, რომელიც სტუდენტების ერთი საფეხურიდან მეორეზე გადასვლას ითვალისწინებდა. აღსანიშნავია, რომ ახალგაზრდა რკინიგზელთა ასოციაციის მიერ მომზადებულ პროექტში ჩართულ თანამშრომელთა უმეტესმა ნაწილმა  უმაღლესი შეფასებები მიიღო. ყველა სტუდენტი შემდეგ საფეხურზე გადავიდა და განაგრძობს შესაბამისი უცხო ენის შესწავლას.

შეგახსენებთ რომ,  ერთწლიანი პროექტი, რომელიც ახალგაზრდა რკინიგზელთა ასოციაციამ მოამზადა, რკინიგზის თანამშრომლებისათვის უცხო ენების შესწავლას ითვალისწინებდა. რკინიგზელებს ინგლისურსა და რუსულ ენებს  „Millennium Gate"-ის მაღალკვალიფიციური ქართველი და უცხოელი პედაგოგები ასწავლიან.

პირველი საგამოცდო ეტაპის წარმატებით დასრულება გახდა სტიმული იმისა, რომ ახალგაზრდა რკინიგზლელთა ასოციაციამ რკინიგზელებისათვის კიდევ დაიწყო  სასწავლო კურსების პროექტების მომზადება. იმ შემთხვევაში, თუ ასოციაციის მიერ ინიცირებული პროექტები კომპანიის ხელმძღვანელობის მიერ მხარდაჭერილი იქნება, რკინიგზელებს სხვადასხვა საგანმანათლებლო პროგრამებში ჩართვის  შესალებლობა ისევ მიეცემათ, რაც თავის მხრივ, ხელს შეუწყობს მათი კვალიფიკაციის ამაღლებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას