2017-03-20 15:30:54, 1397 ნახვა
საზოგადოება
„თბილსერვის ჯგუფმა“ მდინარე დიღმულას გაწმენდითი სამუშაოები დაიწყო
შპს „თბილსერვის ჯგუფმა“ მდინარე დიღმულას გაწმენდითი სამუშაოები დაიწყო.
თბილისის მერიის ინფორმაციით, ადგილზე იმყოფებოდნენ თბილისის მერის მოადგილე გიგა ნიკოლეიშვილი, დიდუბის რაიონის გამგებელი ირმა ზავრადაშვილი და „თბილსერვის ჯგუფის“ დირექტორის პირველი მოადგილე დავით დოლიძე.
მათივე ინფორმაციით, მდინარე და მისი მიმდებარე ტერიტორია სპეციალური ტექნიკის საშუალებით, წლების განმავლობაში დაგროვილი სხვადასხვა სახის ნარჩენისგან იწმინდება.
გარდა ამისა, ხორციელდება გამხმარი ხეების სხვლა-ფორმირება. მდინარე დიღმულას გაწმენდითი სამუშაოები რამდენიმე დღე გაგრძელდება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
