საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, ყველამ ვინც პრეზიდენტის ვეტო სებ-ის კანონთან დაკავშირებით დაძლია, პოლიტიკური პასუხი უნდა აგოს.

აბაშიშვილის თქმით, ვეტოს დაძლევამ ქვეყანას ეკონომიკური და პოლიტიკური ზიანა მიაყენა.

"კანონპროექტი, რომელსაც დღეს იხილავს საქართველოს პარლამენტი არის პრაქტიკულად იგივე კანონპროექტი, რომელიც პრეზიდენტმა წარადგინა მოტივირებული შენიშვნების სახით. პრეზიდენტმა არ დაუშვა ეროვნული ბანკის ორად გაყოფა, თუმცა მაშინ საქართველოს პარლამენტის მხრიდან დაიძლია ვეტო. მიგვაჩნია, რომ მაშინ ეროვნული ბანკის კანონის შესახებ ვეტოს დაძლევის გამო ქვეყანას მიადგა მნიშვნელოვანი ფინანსური და პოლიტიკური ზიანი. შესაბამისად, მიგვაჩნია, რომ ყველა იმ ადამიანმა, რომელმაც წელიწადნახევრის წინ მიიღო მონაწილეობა პრეზიდნტის ვეტოს დაძლევაში, უნდა აგონ პოლიტიკური პასუხი", - აღნიშნა აბაშიშვილმა.

შეგახსენებთ, პარლამენტმა „საქართველოს ეროვნული ბანკის“ შესახებ კანონპროექტზე პრეზიდენტის ვეტო 2015 წლის 3 სექტემბერს დაძლია. ვეტოს დაძლევის შემდეგ პრეზიდენტმა განაცხადა, რომ პარლამენტის მიერ აღებულ პასუხისმგებლობას პატივს სცემს და კანონს ხელი მოაწერა. ამასთან, გიორგი მარგველაშვილმა დასძინა, რომ მან და ადმინისტრაციის თანამშრომლებმა ყველაფერი გააკეთეს, რათა აღნიშნული კანონი არ მიეღოთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა