საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე მიუნხენში ვიზიტი შეაჯამა და აღნიშნა, რომ  უსაფრთხოების კონფერენციასთან დაკავშირებული 2 დღიანი ვიზიტი, ძალიან წარმატებული იყო.

“უმნიშვნელოვანესი შეხვერები შედგა ამ 2 დღის განმავლობაში. განსაკუთრებით მინდა გამოვყო აშშ-ს ვიცე-პრეზიდენტთან ხანმოკლე, მაგრამ ძალიან საგნობრივი და ძალიან თბილი შეხვედრა, სადაც აღინიშნა, რომ საქართველოსა და აშშ-ს შორის სტრატეგიული პარტნიორობა არა თუ მხოლოდ გაგრძელდება, არამედ გაღრმავდება და სრულიად სხვა საფეხურზე გადავა, რაც მისასალმებელია. ამ შეხვედრას წინ უძღვოდა ძალიან წარმატებული ვიზიტები საგარეო უწყების ხელმძღვანელთა შეხვედრები, საპარლამენტო დელეგაციის ვიზიტი უძღვოდა, სადაც დელეგაციის ხელმძღვანელი იყო ვიცე-სპიკერი თამარ ჩუგოშივილი, თავდაცვის უწყებათა ხელმძღვანელების შეხვედრა შედგა, სადაც საქართველოში მიმდინარე სამხედრო რეფორმა ძალიან დადებითად შეფასდა და მინდა, ვთქვა, რომ მთლიანობაში, დინამიკა, რომელიც ჩვენ გვაქვს აშშ-სთან ურთიერთობაში არის ძალიან პოზიტიური. ასევე იყო ძალიან საინტერესო შეხვედრები სხვადასხვა ქვეყნების პირველ პირებთან, გვქონდა შეხვედრა ესტონეთის პრეზიდენტთან. მოგეხსენებათ, ჩვენ ძალიან საინტერესო, ერთობლივ პროექტებს ვახორციელებთ ელექტრონული მმართველობის მიმართულებით, ასევე, ჩვენი საგადასახადო რეფორმა მოგეხსენებათ, ესტონეთის მაგალითს ეფუძნება, განვიხილეთ ორმხრივი ურთიერთობები”,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ