მომავალი კვირიდან გამოვიყენებთ ყველა სამართლებრივ ბერკეტს იმისთვის, რომ მთავარი პროკურორი გადადგეს და შეიქმნას პრეცენდენტი, როცა თუნდაც, ერთი მაღალი თანამდებობის პირი ამ ქვეყანაში, აგებს პასუხს მთელი იმ ზიანისთვის, რაც ამ დღეების განმავლობაში მიადგა ქართულ საზოგადოებას, სახელმწიფოს და ეკლესიას, - ამის შესახებ "ევროპული საქართველოს" ერთ-ერთმა ლიდერმა დავით ბაქრაძემ ბრიფინგზე განაცხადა.

მისი თქმით, გუნდი დღის წესრიგში მთავარი პროკურორის, ირაკლი შოთაძის თანამდებობიდან გადაყენების საკითხს დასვამს.

„ჩვენ ვაყენებთ, საქართველოს მთავარი პროკურორის პასუხისმგებლობის საკითხს, როგორც იმ ადამიანის, ვისმა გაუაზრებელმა განცხადებებმა გამოიწვია შემდეგ მთელი კასკადი პოლიტიკური განცხადებების და ქვეყანა შეიყვანა გაუგებრობაში. ჩვენ, როგორც საპარლამენტო უმცირესობა, ორშაბათიდან დავიწყებთ შესაბამის პროცედურებს და დავიწყებთ ხელმოწერების შეგროვებას მთავარი პროკურორის გადაყენების მოთხოვნით. 

მომავალი კვირიდან გამოვიყენებთ ყველა სამართლებრივ ბერკეტს იმისთვის, რომ მთავარი პროკურორი გადადგეს და შეიქმნას პრეცენდენტი, როცა თუნდაც, ერთი მაღალი თანამდებობის პირი ამ ქვეყანაში, აგებს პასუხს მთელი იმ ზიანისთვის, რაც ამ დღეების განმავლობაში მიადგა ქართულ საზოგადოებას, სახელმწიფოს და ეკლესიას“, - განაცხადა ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ