ადვოკატთა ასოციაციის თავმჯდომარე ზაზა ხატიაშვილი "რუსთავი 2"-ის საქმის მოსამართლეებზე შესაძლო ზეწოლასთან დაკავშირებით არსებულ ინფორმაციას გამოეხმაურა და აღნიშნა, რომ ეს მისთვის სიურპრიზი არ ყოფილა.

"მე ვარ ალბათ ერთ-ერთი გამონაკლისი სამოქალაქო სექტორიდან, რომელიც "რუსთავი 2"-ის საქმეს ყოველთვის ვესწრები, ყველა აქციაზე ვიდექი და დავდგები და ვამბობდი, რომ ეს არის შუშის სასახლის ფეოდალის ისტერია, ხელში ჩაიგდოს დამოუკიდებელი ტელეკომპანია და შეცვალოს სარედაქციო პოლიტიკა. ჩემთვის სიურპრიზი არაა, რომ ხდება ზეწოლა მოსამართლეებზე. მოხდება ზეწოლა სამოქალაქო სექტორზე, რომ დამოუკიდებელ მედიას გვერდით არ დაუდგნენ", - აღნიშნა ხატიაშვილმა. 

შეგახსენებთ, რომ უზენაესი სასამართლოს მოსამართლეები, ბესარიონ ალავიძე და პაატა ქათამაძე, რომლებიც „რუსთავი 2“-ის საქმეს განიხილავდნენ, მათ საქმიანობაში ჩარევის შესაძლო ფაქტზე გამოძიების დაწყების მოთხოვნით პროკურატურას მიმართეს. აღნიშნულ ფაქტთან დაკავშირებით გამოძიება 14 იანვარს დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს