დედაქალაქის მერმა, 2016 წელს, გამწვანების კუთხით თბილისში ჩატარებული ღონისძიებები შეაჯამა და განაცხადა, რომ გამწვანება იყო და არის დედაქალაქის მთავრობის ერთ-ერთი მთავარი პრიორიტეტი.

 დავით ნარმანიას თქმით, გასულ წელს, დედაქალაქის მასშტაბით, 180 000 ხე-მცენარე დაირგო,  თბილისსა და მის შემოგარენში კი პირველად დაიწყო ნუშისა და ზეთისხილის ბაღების გაშენება.
 გარდა ამისა, ნარმანიას თქმით, მოსახლეობის თხოვნის გათვალისწინებით, დიდი რაოდენობით ხე-მცენარე დაირგო გამგეობების მიერ შერჩეულ ტერიტორიებზეც.

„2014 წლიდან დღემდე, ჯამში 650 000-მდე ხე-მცენარეა დარგული და ამ მიმართულებით, მიმდინარე წელსაც საკმაოდ მასშტაბურ ღონისძიებებს განვახორციელებთ. აღსანიშნავია, რომ 2016 წლის განმავლობაში, მოეწყო 30 ახალი და რეაბილიტაცია ჩაუტარდა 249 სკვერს. მათ შორისაა იაპონური ბაღი, რომელიც იაპონური ხელოვნების თვალსაჩინო ნიმუში გახლავთ. გავამწვანეთ და კეთილმოვაწყვეთ თამარაშვილის ქუჩის გზაგამყოფი ხეივანი.
მნიშვნელოვანი გამწვანებითი ღონისძიებები ჩატარდა ე.წ. „ახალ გზაზეც“, სადაც მიუხედავად ათასგვარი წინასწარი ვერსიისა, ნერგების უმრავლესობამ გაიხარა, ხოლო გამხმარი ნაწილი კონტრაქტორი კომპანიის მიერ ახლით ჩანაცვლდა. ასევე  გავაკეთეთ საფეხმავლო ბილიკი ლისის ტბის ირგვლივ“,- განაცხადა თბილისის მერმა.

დავით ნარმანიას თქმით, ქალაქში არსებული მოსასვენებელი სივრცეების კეთილმოწყობის და ახალი მწვანე სივრცეების შექმნის პროცესი 2017 წელსაც გაგრძელდება. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის