საგარეო  საქმეთა მინისტრი მიხეილ ჯანელიძე  მოქალაქეებს ევროპარლამენტის მიერ საქართველოსთვის უვიზო მიმოსვლის მინიჭების საკითხის მხარდაჭერას ულოცავს.

როგორც ჯანელიძემ უწყებაში გამართულ სპეციალურ ბრიფინგზე განაცხადა, ევროპარლამენტის დღევანდელი გადაწყვეტილება ადასტურებს ევროკავშირის მხრიდან საქართველოს მხარდაჭერას და იმას, თუ როგორ ფასდება საქართველოს მთავრობის  მიერ გაწეული შრომა.

მინისტრის განმარტებით, უვიზო მიმოსვლით მიღწეული სარგებელი ასევე ხელმისაწვდომი იქნება ოკუპირებულ ტერიტორიებზე მცხოვრებთათვის.

„მოგილოცავთ გადაწყვეტილებას, რომელიც მიღებულია ევროპარლამენტის პლენარულ სესიაზე. ევროპარლამენტის დეპუტაციამ მხარი დაუჭირა საქართველოსთვის უვიზო რეჟიმის ლიბერალიზაციას და დაამტკიცა შესაბამისი რეგულაციის ცვლილება. ამით ვიზალიბერალიზაციის პროცესი არ სრულდება, დარჩენილია ტექნიკური ეტაპები.  ხაზი მინდა გავუსვა გადაწყვეტილების მნიშვნელობას იმ მიმართულებით, რომ დღეს ღია ეთერით დავინახეთ თუ რამხელა მხარდაჭერა აქვს საქართველოს ევროკავშირის მხრიდან, თუ როგორ ფასდება საქართველოს მთავრობის მიერ გაწეული შრომა და ყველა ის რეფორმა, რომელიც ვიზალიბერალიზაციისა და ევროინტეგრაციის პროცესში ხორციელდება. ევროკავშირის მხრიდან საქართველოს ევროპული ინტეგრაციის მკაფიო მხარდაჭერა დავინახე. ესაა დადასტურება ჩვენი კურსის. ვულოცავ ყველა მოქალაქეს ამ მნიშვნელოვან პროგრესს.  ჩვენი ევროპული ინტეგრაცია ვერ იქნება, თუ არ იქნება მხარდაჭერა ჩვენი საზოგადოების. ამ მიმართულებით გვაქვს მკაფიო მხარდაჭერა და მზაობა გაგრძელდეს ყველა რეფორმა, რომელიც ემსახურება საქართველოს მომავალს. დღევანდელი გადაწყვეტილებით საფუძველს ვუდებთ პრაქტიკულ შედეგებს ჩვენი მოქალაქეებისთვის, უვიზო მიმოსვლით  ჩვენი ბიზნესმენები, მეწარმეები მარტივად შეძლებს მიიღონ მონაწილეობა გამოფენებში. კულტურის სფეროს წარმომადგენელს შესაძლებლობა ექნება მიიღოს მონაწილეობა ევროპის მასშტაბით ღონისძიებებში და ა.შ. ასევე, ეს შესაძლებლობა ხელმისაწვდომია ოკუპირებულ ტერიტორიებზე მცხოვრებისთვისაც. ჩვენი ნაბიჯები ევროპისკენ გრძელდება  და ესაა ჩვენი მთავრობის დამსახურება“,-განაცხადა მიხეილ ჯანელიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს