2017-02-02 12:33:24, 1975 ნახვა
პოლიტიკა კომენტარი
გახარია: ვიზალიბერალიზაცია უმნიშვნელოვანესია როგორც პოლიტიკურად, ასევე ეკონომიკურად
ეკონომიკის მინისტრი გიორგი გახარია საქართველოს მოქალაქეებისთვის უვიზო მიმოსვლის რეჟიმის შემოღების შესახებ ევროპარლამენტში დღეს დაგეგმილ კენჭისყრას გამოეხმაურა.
მისი თქმით, ქვეყნისთვის ვიზალიბერალიზაციის მოპოვება ეკონომიკურად და პოლიტიკურად უმნიშვნელოვანესია.
„ეს არის ძალიან მნიშვნელოვანი მოვლენა, რაც არის თანამშრომლობის ყველაზე მნიშვნელოვანი დამადასტურებელი ფაქტი, როგორც პოლიტიკური, ასევე ეკონომიკური. ღრმა და ყოვლისმომცველი ეკონომიკური ურთიერთობები ძალიან ძნელია გადაადგილების თავისუფლების გარეშე, შესაბამისად, მივიჩნევთ, რომ ეს პოლიტკურადაც და ეკონომიკურადაც ძალიან მნიშვნელოვანი მოვლენაა“,-განმარტა გახარიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
